പള്ളിക്കൂടം...

നീലച്ചായം വാരിപ്പൂശിയ 

വലിയൊരു പള്ളിക്കൂടം...

അവധി കഴിഞ്ഞു തുറക്കും നേരം

വര്‍ണ്ണം മാറിപ്പൂശി...

ചാര വര്‍ണ്ണമതാകെ പൂശി

പള്ളിക്കൂടമൊരുങ്ങി...

കഴുകിയടിച്ചു മിനുക്കി പിന്നെയാ

വെള്ളം വാര്‍ത്തു കളഞ്ഞു...

മിന്നി മിനുങ്ങും വെള്ളി വെളിച്ചം

തെളിഞ്ഞു പിന്നെയണഞ്ഞു...

മുറികളിലുള്ളോരു മേശ കസാരകള്‍ 

ഒരുക്കി വയ്ക്കുകയായി...

പിടിച്ചുമാറ്റിയൊരുക്കും നേരം 

ഇടയ്ക്കു തമ്മിലുടക്കുമ്പോള്‍ ...

വലിയൊരു ശബ്ദം കേള്‍ക്കാമതിനെ 

ഇടിവെട്ടെന്നു വിളിക്കാം...